支聯會今後食粥食飯 就睇明日遊街場面

  支聯會近年有幾慘大家亦有目共睹，雖然大家都知何俊仁、李卓人響支聯會輪流做莊，但司徒華死後真係一代不如一代，隨著新生代特別係學聯拋棄支聯會，支聯會嘅五大網領已經行入死路，大陸人自己嘅事你係都要攬屎上身，拖港人落水為乜？呢次支聯會搞「抗議政治綁架、捍衛一國兩制」遊行，講就好聽，其實無非想抽水撈政治資本，提高自己嘅影響力，應該分析邊個將會係事件嘅受益者。

  支聯會長期主辦嘅六四遊行已經響國際上冇乜影響力，連參加嘅港人都越黎越少，越黎越老，等班老鬼都死埋就真係無人可以再擔大旗。要想有所突破必須搞大件事，而呢一次啱好單李波事件捉到正，簡直就係上帝俾你嘅機會，通過喊叫跨境捉人、政治綁架、大陸破壞一國兩制等講法，將事件國際化政治化，引英美、國際人權關注香港，等支聯會成為新八國聯軍嘅代言人，讓香港重回英國管治時代，其他政黨都可以行埋一邊啦，佢就會成為阿head，諗下都笑鳩死AV仁，所以呢次支聯會真係會搏命搞大單野，將事件國際化、政治化，如果唔係，支聯會以後就真係收皮得啦。